منتديات الأساطير | Legends Clubs

منتديات الأساطير | Legends Clubs

كل ما هو جديد تجدونه في المنتدى : اسلامي ، اجتماعي ، افلام ، مسلسلات ، انمي ، وثائقي ، العاب ، رياضة ، صور ، موسيقى ، مقاطع الفيديو بأنواعها المضحكة و الغريبة و المنوعة وغيرها الكثير الكثير


    احلى ابوذيات لعيونكم

    شاطر
    avatar
    ®رجےل الظےل®
    المشرف العام
    المشرف العام

    عدد المساهمات : 113
    نقاط : 406
    التقيـــم : 24
    تاريخ التسجيل : 21/03/2012
    العمر : 27
    الموقع : https://www.facebook.com/

    احلى ابوذيات لعيونكم

    مُساهمة من طرف ®رجےل الظےل® في السبت 24 مارس 2012, 5:40 am

    ترف بوّل هواكم عال علتني
    اوسط درب المحبه عل علتني
    بنهاية درب حبك عل عَلَتني
    جفوف الموت,, ماتدناهه اديه


    لان ماريــــــــد اشوفك يوم حزني
    وتدري ابسيف هجرك ولك حزني
    كلبك انت وحـــــــدك الي حزني
    و (حيازه وحمل) سلمتك بديه

    لو راسا تكلي ارجــوك هدنه
    وتعاركني وتــريد انوب هدنه
    ولك والله العشك وياك هدنه
    مريض انه تعال اسال عليه


    لــــــــو تذكر رباي وياك والعن
    ولا تنغر على اللي بيك والعن
    فرضنا لــــو اسبك حيل والعن
    مريض انه تعال اسال عليه



    وشوف اشلون حالي منتسلني
    ولكن سيف صــــدك منتسلني
    الدمع يغلــب جوابي منتسلتي
    اضحك بالجذب غصبن عليه




    أنـا بحبـك أبـد مـايـوم غشيـت
    وعـن كـل البنـات النظـر غشيـت
    گعـدت يمـه وعليـه بسكـوت غشيـت
    وگـف صـاح المـدرس غـش عليـه


    اكت دمعي التريدة هسه اكت لك
    وتريد لساني يسكت؟ هالستكلك
    اذا متكول احبك؟ هسه اكتلك
    واكوم انوب اكتل روحي بدية


    ليش الناس بيه اللوم يلتام
    يالوجهك مثل ضوه البدر يلتم
    جرح السيف لابد يوم يلتم
    ويظل جرح اللسان يفور بيه


    بعدكم كمت اسوي النوح وجبات
    ولاخلي دليلي يهيم ويبات
    الحزن وياي طول الليل ويبات
    بفراشي ويسولفلي عليه


    احبابي اعيوني راحت من اجلكم
    وجل الدنيا كله من اجلكم
    ياهي الي حرفكم منهو جلكم
    وكطع حبل الوصل منكم عليه


    حلو عيون وعيونه سماوي
    بي مفتون والهيئه سماوي
    جمال البيه يهل الوادم سماوي
    ليل الناس وبنصه الكمر هيه


    اذا رايح حبيبي الف بايات
    وطش ماي وانشر الك بايات
    ومركضه الصعود ايصير بايات
    اخاف اطيح وما منك رجيه


    من شطه مامش صيد بس ماي
    واشتم اللي نهاني الصيد بسماي
    واريد اللي خله العرش بسماي
    اصيده بيوم وتجيني المنيه


    دومي فانوس لدروبك وشعلة
    وليمسك ابية احركنة وشعلة
    اخبرك الاسود صار شعلة
    منشوفة تغور الكاع بية


    عيونك تصيب الگلب بسهام
    يلي ابد ماشفت بهواك بسهام
    انا طير المهاجر بالفضاء بسهام
    اشوفك وانا تايه بالبريه


    على ضيم الهوى ياروح علمي
    وبيها ارفعت اني اليوم علمي
    اسالتها المستوى وتكول علمي
    بخامس باء يالتسال عليه


    يعاذل نار شوكَي هل تمسني
    إهديني الشوف حبي والتمسني
    بجه من مد يمينه والتمسني
    لكَاني نفس ما مش جسد بيه


    أهل هل وكت بالك تمن بيهم
    إدنان وعيب يحصل تمن بيهم
    ثلاث من الخصايل تمن بيهم
    الجذب والفتن والشوفة الردية


    وحك التين والزيتون والمن
    اجروحي الطابن امن اسنين ولمن
    السدر والجفن والكافور والمن
    كَبل طرت الفجر يسرون بيه


    ردت خده ابوسه جفل ماراد
    الغده حبه لعند احشاي مارد
    لون مصباح وانه البيه مارد
    اصير بحدمته بس يرحم اشويه


    شجيت انه وجريت الدمع منهال
    وحنيت الضلع يوم الصاح منهال
    صحت ويلاه يا ويلادي منهال
    عليكم صحت وين الي يجاوب عليه

    ديخويه الضمه نار احرگت يوفـي
    عرفنه اللى يواعـد وعد يوفـي
    حاشاه العـزيز ايخون يوفـي
    ابن امي نفس نهض ا ليـه



    شكول للحر ما واحد نجلهـا
    وچم حره انچتل باالعراق نجلها
    المدينه ما نحب نوصل نجلها
    نريد انخيم بـوادي الـمنيه



    كثيره اجروح يبن امي ترابيك
    عفت الدار وعيوني ترابيـك
    چانت تسهر ليالي وترابيك
    متكلي اشوكت اتعود اليه


    انگطع حبل الوصل بيني وبينه
    وذخرته والـعمد هّو وابينـه
    إلمن اشتكـي هـمي وابينه
    واخبره اشوكت ايعوّد عليـه


    جروحك بيش اداويهن والفهن
    مو جرحين حتى اگعد والفهن
    حايرانه بعدهن ولفهن
    وراحن اجروحي كلهن عليه


    توجّل گـلب الحنينـه علمها
    يولي وحست بـوحشه علمها
    ساعه من وگع الحبيب علمـها
    لطمت عـالوجه منين يرجع اليه


    قطار العـز تعدانـه ومـرنـه
    وعلينه مـا نشد واحد ومرنـه
    عگب عينك يا صاح وامرنـه
    بـهاى انفوضه لـرب البريـه


    علينه اطلع يبو صالح ولمنـه
    تراها الناس ماداوت والمنـه
    انت الامـل يلغايب والمنه
    وبلسم انت لجروحي الخفيه


    تركني الدهر بـالغربه بلاسم
    وضعف حيلي ومرد چبدي بلاسم
    واكيد الفرج لجروحي بـلاسم
    يبلسمها ويـرد روحـي الـيه


    تمر انخاك يا عراقي عليهـم
    واخبرك كلب كل منهم عليهم
    وطنه الكل جفت عنه وعليهم
    گلبي وگـربت منـه المنيـه

    avatar
    أمہيـر الہحـبــہ
    أسطورة مميز
    أسطورة مميز

    عدد المساهمات : 1555
    نقاط : 4874
    التقيـــم : 155
    تاريخ التسجيل : 16/03/2012
    العمر : 26
    الموقع : https://www.facebook.com/profile.php?id=100002204716236&ref=tn_tnmn

    رد: احلى ابوذيات لعيونكم

    مُساهمة من طرف أمہيـر الہحـبــہ في السبت 24 مارس 2012, 7:05 pm

    مشكورررررررررررررررررررر
    تسلم حبيبي

    avatar
    ضوء الفجر
    مشرف القسم الديني
    مشرف القسم الديني

    عدد المساهمات : 615
    نقاط : 2237
    التقيـــم : 57
    تاريخ التسجيل : 12/06/2012

    رد: احلى ابوذيات لعيونكم

    مُساهمة من طرف ضوء الفجر في الأحد 25 نوفمبر 2012, 3:21 am

    عاشت ايدك يا ورد


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــ

    الحياه امراه تستحم بدموع عشاقها وتتعطر بدماء قتلاها

      الوقت/التاريخ الآن هو الأحد 23 سبتمبر 2018, 10:17 pm