منتديات الأساطير | Legends Clubs

منتديات الأساطير | Legends Clubs

كل ما هو جديد تجدونه في المنتدى : اسلامي ، اجتماعي ، افلام ، مسلسلات ، انمي ، وثائقي ، العاب ، رياضة ، صور ، موسيقى ، مقاطع الفيديو بأنواعها المضحكة و الغريبة و المنوعة وغيرها الكثير الكثير


    ابوذيات روووعه

    شاطر
    avatar
    ®رجےل الظےل®
    المشرف العام
    المشرف العام

    عدد المساهمات : 113
    نقاط : 406
    التقيـــم : 24
    تاريخ التسجيل : 21/03/2012
    العمر : 26
    الموقع : http://www.facebook.com/

    ابوذيات روووعه

    مُساهمة من طرف ®رجےل الظےل® في الخميس 22 نوفمبر 2012, 6:26 am




    ابوذيات عراقية, ابوذية

    [ندعوك للتسجيل في المنتدى أو التعريف بنفسك لمعاينة هذا الرابط]


    أذوبن شمعه واتأمل تمر مر
    عزيز القلب وبفراكك تمرمر
    اسألك هم ضكت مرة التمر مر
    واناالبرحي انكلب حنضل بيديه
    ===================
    رحل وعرفنه النزل شطره
    على بالك شنو الخطر شطره
    شطرعندك يريدالقلب شطره
    وضن الشطرالعندك راداخيه
    =================
    بذرالشوك بارض الشوك نخله
    ولاساعه القلب من الحسرات يخله
    صرت مثل اله بنص الشام نخله
    تمر للغير واناالنوح اليه
    ===================
    طمع ماريد من عندك وخاوه
    ولااريد طين حر منك وخاوه
    الفخر مو للذي عاشر وخاوه
    الفخر البضيج ينفع خويه
    ========================
    طلع يمشي وصحت الله اكبر
    صدر يشبه الفنجان واكبر
    اخاف يدور عله راسي الشيب واكبر
    واكول ياوسفه على الراح من اديه
    ==============================
    موعشره تراها وياك طلعت
    كل ساع احس الروح طلعت
    اناشفت الشمس باليل طلعت
    اكل للناس مايصدكون بيه
    ==============================
    هلة بريح الشمال الجاي منطر
    عزيزه انت وعليج القلب منطر
    شفت خدج عبالي الفجر منطر
    كمت صليت من غصبن عليه
    علي ثوب الونين شكثر حالي
    شاب وهل شبت من دون حالي
    انشدج على احوالج مثل حالي
    طايح و الهموم اتشيل بيه
    ==================
    هموم اهواك ماخلن علي حال
    مريض حبك من الله علي حال
    يالتنشد علي احوالي علي حال
    شفيد الندم على الصار بيه
    ===================
    الج بس انتي كلبي رجيته
    ودمع العين يمج بس رجيته
    ابتعد كلمن نخيته والي رجيته
    ولاواحد اجه وحن عليه
    =================
    رعيتك ليش كلبك مارعاني
    ويهمك فت دليلي ومااعاني
    مره احبس دمع عيني ومره اعاني
    ومره اتطيح روحي بين ايديا
    ====================
    هجرك ياولف صاير بلاحد
    مثل سيف ايكص ركاب بلاحد
    رحت وانتظرك ترجع انت بلاحد
    اجه الاحد يمته اتعود اليه
    =======================
    غيرج ماحلى بعيني ولاطاب
    ولادونج دخل كلبي ولاطاب
    وجرحي وياج ماهاد ولاطاب
    دم ينزف ولاتدرين بيه
    ======================
    البعد ياصاح جرنه وأنسحبنـــــــــه
    وغلبنه الضيم والله وأنسحبنـــــــه
    وجذب من كال أبطل وأنسه حبنه
    الا الروح تطلع موبديـــــــــــــــه@
    ====================
    19)أكتبلي شماردت تكتب
    وردلك...
    أزعل وأبتعد وأمشي
    وردلك...
    بساتين بوسط قلبي
    وردلك...
    يابحرالأخوه الصافي
    ميه@
    ====================
    20)حد إسيوف هجرانك وسلهة
    وهاك الروح مرمرهة وسلهة
    يمك ناس ناشدهة وسلهة
    بيا شرع حللت هجرانك علية@
    ============================
    21)احلى طيور بالدنيا كناري
    نارك ما أظن تلهب كناري
    بلكت يوم تعزمني بكناري
    عليك اللفات والبارد عليه.. @
    ============================
    22)ولامره نصحتج وأنتصحتي
    أنتي عذاب الروح وأنتصحتي
    بعدني مالزمتج وأنتصحتي
    وكلبتي الدنيا والوادم عليه@
    =========================
    23)تموت الروح ياصاحب بعدكم
    وريح المسج ما فاحت بعدكم
    ترى يالعزيز أشما طال بعدكم
    تظلون اعزاز أنتم عليه ..@
    =====================
    24)ذبل عرش الگلب لجلك "وخاوه
    وطمع ماردت من عدكم "وخاوه
    الفخر مو للذي عاشر "وخاوه
    الفخر والطيب لليذكر خويه ....@
    =======================
    25)تغيب الروح بغيابك ورده
    كتاب جفاك من عندي ورده
    روحي بفرگـتك يذبل ورده
    ماي انته وترد الروح بيه@
    ==========================
    26)كبل لاتصل حيهم صيح "حيهم
    وسلب عكلي فتى من أطراف "حيهم
    يحيونك حبيبي بلطف "حيهم
    وخبرهم فتاهم عن عليه ...@
    ==========================
    27)من هجرك يبعد العين سليت
    وعليك الريح واليمشون سليت
    على حادي الضعن سيفين سليت
    أطعنه بسبة غيابك عليه@
    ========================
    28)(بحـــــــاه)
    كضيت العمر كله أحاه بحـــــــاه
    ولحكني الوكت عالبلعوم بحــــاه
    أخوي الأخذ سري وراح بحـــــاه
    كسرني وشمت العدوان بيـــــة
    ================================
    29)(بـدواي)
    بديت وماعرفت منين بــــــدواي
    عليل وحارت العربان بــــــدواي
    اذا انت طبيب تعرف بـــــــدواي
    الحگني بالدوه گبل المنيـــــــــه ...@
    ===============================
    30)(بلمها)
    احبابي تشتت حاير بلمهــــــــــا
    وتضل هالروح تتماطل بألمهــا
    الناس عله الأرض يمشي بلمهــا
    وأنه بالماي بلمي وگف بيــــــه@
    ========================
    31)تعال وشوف حالي شرده منه
    مثل ساري وأخوته شرده منه
    صديقي إلي يمرني شريد منه
    أريد شوفته وينشد عليه ...@
    =========================
    32)اسأل جرح گلبي عليه شهده
    لزمته وصاح هده الگلب شهده
    عسل خدج وشفتج خمر شهده
    واسكر من تصد عينج عليه@
    ==================
    33)وحگ قرأنا وكهفه ونوره
    الگمر من تبتسمله يغيب نوره
    واليج ماغلط من سماج نوره
    اذا خدودج شمس وتشع عليه@
    =======================
    34)مشت وگليبي وي ممشاها ساره
    ويگلبي الما فضح فد يوم سره
    شفت شمس وگمر بخدود ساره
    عجيب شون اگظنهة بديه@
    =========================
    ¤*¤*¤*
    35)مو تعليم شعر الحب ترى الهام
    وبعد ما دنك الغيرك ترى الهام
    شوفك مو مهم عندي ترى الهام
    حبك والنبض يسرن سويه@
    ===========================
    36)هوينه احنه وهوانه من هواكم
    وهوى الغربي احسه من هواكم
    مرار وضيم ضكنه من هواكم
    اكص ايدي اذا تسأل عليه@
    ======================
    37)شعجب دفتر عشگنه ماتگلبه
    وليش الي يحبك ماتگلبه
    ترى گلبي بغيابك مات گلبه
    گلب گلبي توفه وعم عليه@
    ==========================
    38)لعب بيه زماني شلون ماراد
    نفس روحي ياصاحب راح ماراد
    اگله تريدني يگول ماريد
    عصر گلبي وشعل نيران بيه@



    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــ

    التــــــــــــــــــــــــوقيع

    [ندعوك للتسجيل في المنتدى أو التعريف بنفسك لمعاينة هذا الرابط]

    لــــــبـــــيــــك يـــــا حـــــســــــيــــن
    avatar
    Ahmed Saad
    أدراة المنتدى
    أدراة المنتدى

    عدد المساهمات : 488
    نقاط : 1655
    التقيـــم : 152
    تاريخ التسجيل : 21/03/2012
    العمر : 23
    الموقع : Iraq -Wassit - Al-Hay

    رد: ابوذيات روووعه

    مُساهمة من طرف Ahmed Saad في الخميس 22 نوفمبر 2012, 6:12 pm

    روعة
    تسلم حمودي


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــ

    التوقيع

    الحق كالشمس ... مهما غابت ... لا بد أن تظهر
    avatar
    القيصر
    أسطورة متواصل
    أسطورة متواصل

    عدد المساهمات : 192
    نقاط : 600
    التقيـــم : 36
    تاريخ التسجيل : 06/11/2012
    العمر : 30
    الموقع : http://www.facebook.com/mz.ahmeed

    رد: ابوذيات روووعه

    مُساهمة من طرف القيصر في الأحد 25 نوفمبر 2012, 9:43 am

    تسلم عاشت ايدك

      الوقت/التاريخ الآن هو الأربعاء 22 نوفمبر 2017, 5:13 am