أخذوهة بدمعهة وانة ما موجود..
هيج بسكتة عني انباكت المغرب...
مو سهوا لكن صارت استغلال..
لان لو اني يمهة اشحدة اليكرب..
هدل متن الجفن كد مابجيت ادموع..
عليهة وعاليالي وذكريات الحب..
وأغانينا وصورنا الترسن الالبوم..
ياهو اليكدر هسة بيهن يكلب..
ما رايدهة ترجع المهم ترتاح..
بس طمنوني عنهة وكلشي ماأطلب..
ترة ضل بالي يمهة اليلة وين اتبات..
بعدهة ازغيرة خاف ابحضنة تستغرب..
وزفوج بهلاهل وي طبة اليل..
وانة كبال عينيج شيع امالي..
بقيتي بنفسي ابد ماضكتج لهل يوم..
ولهذا السبب ما ينحل اشكالي..
شكد خدج سحرني وسوة اغرائات..
اوما جيسة احلفت جي بعدة مو مالي..
ضنيتج الية باجر اتصيرين..
وكلت عود الاريدة الكاه بالتالي..
جنت ما ادري انت بغيري تقتنعين..
ولو ادري وعلي جا اخذت البالي..
رايد حصتي منج عيني مو تنسين..
من محصول حسنج ما خذت حصة..
أمس وحدنة جنة وكلشي ما سويت..
غشيم وما عرفت استثمر الفرصة..
وهسة الخذاج اليلة يطمع بيج...
شهر يكضي العسل لبشفتج اتحداه..
اضن بيوم واحد يمكن ايخلصة..
وانة الضميتة الية اسنين اجمع بيه..
وجنت مابوس شفتج حتة ما نقصة..
بامس الحاجة انة لهل عسل والله..
صيري ام بيت عاد ومنة ضميلي..
لان طبع الخذاج ما يقتنع طماع..
واخاف يشربة كلة وما يبقيلي
مست شفتي بيج وكلشي بيه اشتاك..
بيد الليل منج بوسة وديلي..
صبح جرحي بغيابج يلفت الانظار..
ومن الام بعدج كومة يشكيلي..
جرحي الجنت اضنة ما يملك اي احساس..
شعر وجداني كام بعبرة يحجيلي..
تعالي اليوم باجر يمتة ما تردين..
انة راح اضملج ساعة من ليلي..
ولو متكفي خايف نبقة معتازين..
لذلك ما اريد بسرعة نكضيهة..
ولا نبدي بعتب ونبذر الكلمات..
ولا كل الدموع العدنة نبجيهة..
ساعة انسوي كلشي بيهة انة وياج..
وبعدين السوالف عود خليهة..
وكت عدنة محدد وشكثر رغبات..
هاي الساعة لازم نقتصد بيهة..
ويالماخذهة مني اليلة ما وصيك
حبيبت كلبي هاي اشتطلب انطيهة
لا تجرح كلبهة يوفقك الله ارجوك
بذمتك هية صارت لا تبجيهة..
بذـمتكـ هـية صـآرت ـلآ تبجـيهة