ابوذيـــــات جمــــــــيلة

بحر من طيب ياكلبك شكر بيه
كتاب من العشك جاني شكر بيه
شورطني بست خدك شكر بيه
بسته ومرض سكر صار بيه

نصحت الكلب من حبك ولا فاد
وجويته بنار صدكني ولا فاد
هواي علاج جابولي ولا فاد
دواي أنت يهل مبعد عليه

اذا لجلك فديت الروح مندم
وعليك العين تبجي وتصب من دم
واذا عمري كضيتة وياك مندم
لان طبعك حلو ونفسك وفية

صديق لمايذكرك دوم ذكرى
وذا ناسيك ابد لاتنساه ذكرى
عزيز ولك وسط الكلب ذكرى
ولك ممنون يالتسأل عليا

معجبني الترف من شفته وسنه
وعلى حالي بجت شيعه وسنه
العاشك ما عليه فرض وسنه
و لزوم رب العرش يغفرله الخطيه

اداوي مـن جرح وكتي وحي له
طول الليل مــن يسمـع وحي له
دغش دنياك يا صاحب وحيلــه
تخون ابكل وفي اوذاته شجية

الوكت ما يوم منة صحت مرة آح
غدة عمري مرارة اوظيم مر راح
صرت كـاع اوصبح فوكاي مراح
صفة ياهو اليجي يسحق علية

لساني مـــا يذم صـاحب ولاهاج
ولا كلـبي حفة الـغـيرك ولا هاج
صرت مثل البحر ساكن ولا هاج
اكسر كــل سفن تعبر علـية

دموعي تفيض عالوجنات بانهار
ووكع من الفراك الحيل وانهار
بدنياي آني سايح ليل ونْهــــــــار
أتاني لجيّته صبح ومســـــــــــــيّه

عليك القلب ليل انهار ينحب
الحلو غصبن على العشاك ينحب
طبع المحب بالشفه ينحب
محبتك بالكلب غصبن عليه