البوابة
جميل انته بجمالك دوخيت الناس
وياهو الشاف شخصك صابته الجلطة
يمعود دخيلك روح طب للبيت
شفت دعوة عليك بمركز الشرطة
==============
آنه مال انساك أكبر مستحيل
بية كل دگة گلب تحتاجلك
وآنه ما أشتاگلك تدري انته ليش
لأن ماناسيك حته اشتاگلك
==============
سولف گول الك واهس تضل وياي
واذا ماإلك واهس گول لاتخجل
ما أقبل أحبك وانته مامرتاح
وما أرتاح احبك وانته ماتقبل
==============
أتنطر تجي وبس بيك اسولف دوم
والم اسنين عمري وبيك اطشرهن
يالعيونك خضر ورمشومك اتصب ماي
مو طلعت شمس ماتطلع اتشرهن
==============
آنه لوگتلك أجي معناها جاي
وانته مامرة گلتلي وجيتني
مرة أذكر بالحلم گتلي تعال
واركض بنص الحلم خليتني
==============
إذا رايد تسولف سولف بماعون
عسل كلمات ثغرك لاتبديهن
واذا دمعك نزل قارورة حط للعين
دمعاتك شذر مو كفر تبچيهن
==============
اشهل بياض البيك شتسوي تعال
فوگـ هذا ولازم مراية بديك
عمي لو عدنه مثل وجهك حرام
انذب المرايات ونباوع عليك
==============
أحبك ثم احبك ثم احبك موت
ماترهم أعوفك وانفرد وحدي
منو بگدي يحبك دور اتحداك
أمك لاچذب متحبك بگدي
==============
فدوة اتوسلك لاتزعل اترجاك
ولو أدري بزعلتك آنه راح انذل
خل انذل اولي يطبني مية طوب
بس هيچ ابحلاتك كفر من يزعل
==============
من طبعي امن اشوفك لازم ابچي اعليك
وانته تگلي إسكت حتى احظننك
شلون اسكت واشوفك وانته دمع العين
إذن أبچيك لازم حتى اشوفنك
==============
تريد انساك چا عاوني أنساك
بشرط كون انته تظمن أنسه طاريك
گلت ماأحچي بيك گبال هالناس
گمت چي چذبوني وحلفت بيك
==============
أحبك ماأحبك والله حرت اوياي
بيك آنه حرت وانته ولا چنك
ساعات آنه اگولن آنه احبك ليش
وساعات آنه اگولن ليش احبنك
==============
من گد ما أحبك بس اسولف بيك
وگمت بيك آنه اسولف حتى بالسكته
من سألوني شسمك تعرف شرديت
بسمك جاوبت حتى اسمي تيهته
==============
شفناك وسكرنه بهاي شتگول
على هذا الأمر نتحاسب هناك
الله يساعد الصيام عالصوم
مفاطير وفطرنه بيوم شفناك
==============
كلش مختلف ماتشبه الناس
وجمال البيك ما موجود بالكون
طاحت عيني بيدي بيوم مريت
ما شايف جمال ايطيح العيون
==============
إبعد لاتجي وتتقرب اترجاك
جمالك صاطع انته وخاف يأذيني
شافت شمس عيني وكلشي ما صار
وشفتك من بعيد وغوشت عيني
==============
من شفت الدمع سايح عله الخدين
أصدگ ماأصدگ دمع بجفونك
طلع گلبك ثلج وانصهر من الشوگ
ذاب من الخجل واستقر بعيونك
==============
صح مرات اضيع بيتي والعنوان
بس هيهات اضيع يوم عنوانه
قوس القزح ولفي وفوگة ثمن الوان
يعني اخمصطعش مجموع الوانه
==============[ندعوك للتسجيل في المنتدى أو التعريف بنفسك لمعاينة هذه الصورة]
ولاتنسووووو الررررررررررررردووووووووووود شباب
